Mín stærsta ást

/Flokkur:

Heart of Stone úr söngleiknum Six.

 

Lag: Toby Marlow og Lucy Moss 

Texti: Inga Auðbjörg K. Straumland

Útsetning: Andy Beck

 

Nú loksins rennur

upp þessi dagur.  

Allt yndislegt

á allan hátt.

Minn stóri strákur, 

svo fjörugur og fagur,

úr hreiðrinu

hann flýgur brátt.

 

Er í fyrsta sinn

fékk í faðminn minn

þennan agnarsmáa dreng

fann að allt var breytt,

þekki ekki neitt

sem fær slitið þennan streng.

 

Þú ert tilbúinn

fyrir daginn þinn,

ljósið mitt, nú loksins sjálfstæður.

Ég hef mótað þig

en þú meira mig,

mín fórn er mesti fjársjóður.

Ég verð alltaf hér

þó að þú frá mér

sért nú floginn burt.

Þú eilíft ert

mín stærsta ást. 

 

Með hverju skrefi

þú fórst mér fram úr.

Hver sigur þinn

var sem sigur minn.

Þú sagðir þá

að ég alein ætti hjarta þitt,

þú elskaðir

í fyrsta sinn.

 

Ég var ströng

en studdi þig
er vindar blésu fast

því ég var hrædd um það,

að sama hvað,

þér mætt’aldrei mistakast.

 

Þú ert tilbúinn

fyrir daginn þinn,

ljósið mitt, nú loksins sjálfstæður.

Ég hef mótað þig

en þú meira mig,

mín fórn er mesti fjársjóður.

Ég verð alltaf hér

þó að þú frá mér

sért nú floginn burt.

Þú eilíft ert

mín stærsta ást. 

 

Margt fer á annan veg

en sástu fyrir þér

og staðreyndin sú er

að enginn framtíð sér,

því að sama hvert þú ferð

til staðar ætíð verð,

blæs þér byr í brjóst

því þú ert

mín eina ást.

 

Loksins sjálfstæður.
Mesti fjársjóður.
Já, ég verð hér
þó þú frá mér
sért floginn burt.

Þú eilíft ert

mín stærsta ást.

Loksins laus

/Flokkur:

Therapy úr söngleiknum Tick, Tick… Boom! 

 

Lag: Jonathan Larson

Texti: Inga Auðbjörg K. Straumland

 

Veistu hvað,

það er baneitrað

þetta drullusvað.

Það er sama hvað,

allt rangtúlkað

eða uppdiktað.

Lífið með þér 

var langdregin 

hversdagskeppni.

 

Ég held að

þú hafir uppgötvað

eftir lögskilnað 

og málskostnað

að ég var það besta,

þín gæfa mesta,

að mig klófesta, 

var þín mesta heppni.

 

Ég fékk nóg, þráði sálarró 

eftir kapphlaupið við þig og þína ofvirkni.

Hvert andartak, hvílíkt hreðjatak,

þú notfærðir þér mig og mína meðvirkni.

 

Allt það raus

sem úr þér gaus,

ég alsaklaus, 

þú bandvitlaus,

helst til hispurslaus

og hjartalaus

og lausnin var sú að ég kaus

að finna frelsi

 

Ó, guð, þér ferst!

Ekki ég sem var verst,

mín almesta pest,

með greindarbrest…

þennan háa hest…

já, ég veð’jað’á vitlausan hest,

því hjónabandið með þér

var firrt fangelsi.

 

Ég fagna því, það er garantí, að ég fæ frí

frá þér og þínum gaslýsingum. 

Það særir mig, að þú teljir mig 

vera karlrembu sem kæfir með hrútskýringum! 

 

Veistu hvað, (Mér finnst)

það er baneitrað (baneitrað hvað þú)

þetta drullusvað.

Það er sama hvað, (því sama hvað)

allt er rangtúlkað (hvað nú?)

eða uppdiktað.

Lífið með þér var ein langdregin hversdagskeppni

(Þett’er alveg út úr kú!)

 

Ég held að (Ég held að)

þú hafir uppgötvað

eftir lögskilnað (Þú hafir uppgötvað)

og málskostnað (að það)

að ég var það besta, (ert þú)

þín gæfa mesta,

að mig klófesta, (Sem ert)

það var þín mesta heppni.

(út úr kú…)

 

Ég fagna því,

það er garantí, 

að ég fæ frí 

frá þér og þínum gaslýsingum.

 

Það særir mig, 

að þú teljir mig

Vera karlrembu 

sem kæfir með hrútskýringum.

 

Og loksins er þessu lokið,

loks laus við leiðindarstand.

Loksins fæ ég frí 

og best af öllu finnst mér það að vera 

loksins laus

við þetta hjónaband.

Á Gay Pride

/Flokkur:

In Summer úr söngleiknum Frost. 

 

Lag: Kristen Anderson-Lopez og Robert Lopez.

Texti: Inga Auðbjörg K. Straumland

 

Sonur minn, 

er fékk þig í fang í fyrsta sinn

ég fjölskyldusvipinn sá, 

sú stund var dýrmæt!

Pallalög öll ég kann,

ó þú veist að ég elska regnbogann.

Ég strákinn minn styð,

í stafni ég stend á Gay Pride.

 

Ég tæmdi allan lagerinn

í Tiger fyrir Pride.

Í forystu stend, 

sveiflandi fána

og stoltur græt.

 

Um það bull er mér drull 

hvað fólk gerir í svefnherberginu.

Svo frjálslyndur er og

fremstur í röð á Gay Pride

 

Einn karl sem ég þekki, hann er svona hán,

sko öfugir eru sko alls engin smán!

Er flottasti pabbinn, já finnst ykkur þaggi?

Sko sonurinn minn hann er svo geggjaður…

og flottur strákur! 

 

Ég hélt að þetta væri bara lítið tímabil

en sætt mig hef við orðinn hlut, 

ég loksins skil,

 

og þú veist, auðvitað,

pabbi styður þig sama hvað.

Þú föður þinn finnur,

fremstan í röð á Gay Pride.

Á Gay Pride!

 

ATH. Textahöfundi er fullkunnugt um það að Hinsegin dagar heiti ekki lengur Gay Pride. Það er grínið. 

Söngur athafnastjórans

/Flokkur:

King Herod’s Song úr söngleiknum Jesus Christ Superstar

 

Lag: Andrew Lloyd Webber

Texti: Inga Auðbjörg K. Straumland

Útsetning: Arnór Vilbergsson

 

Við komum saman kát í dag

að fagna körlum tveim

sem geta svo, með glæsibrag,

giftir farið heim.

 

Athafnarstjórinn 

heitir Bubbi Lú 

sem segir þeirra sög’í dag

og sagan, hún hefst nú….  


Þeir hittust á bar

Bjartmar blikkað’Arnar,

brosti svo og bauð í bjór,

þið vitið hvernig þetta fór.

Þeir héldu svo heim,

það fór vel á með þeim.

Koma svo, skál fyrir þeim! 

 

Þeir fluttu tveir í Fischer-sund,

það flækti lífið smá.

Fengu sér svo fínan hund,

það fullkomnaði þá.

 

Ó, hvílík fegurð

lífið þeirra er.

Sem bílstólsbelti bíðið spennt

og sjáum hvernig fer.

 

Það sem byrjað’á bar

er hann hitti Bjartmar

ástæðan er fyrir því

að í kvöld er fyllerí!

Nú við gleðjumst með þeim,

gumunum okkar tveim.

Koma svo, skál fyrir þeim!

 

Bjartmar elskar Arnar sinn 

því Arnar er svo trúr

og finnst hann vera flottastur

er fötunum fer úr.

Bestur Bjartmar 

í augum Arnars er,

blíður oft ef bjátar á 

en stundum dáldið þver.

 

Það sem byrjað’á bar

er’ann blikkað’Arnar

nú breytist brátt í hjónaband,

byrjum síðan partístand!

Gestir, gleðjumst með þeim

gumunum okkar tveim.

Koma svo, skál fyrir þeim!

 

Svo lengi beið hann Bjartmar

með að biðja Arnar,

biðj’ann um að giftast sér,

þess vegna við stöndum hér.

Hann fékk loks hring,

gríðarleg geðshræring

Koma svo, skál fyrir þeim!

Þá birtist Bjartmar

/Flokkur:

Suddenly, Seymour e. Alan Menken

Ég elskaði mörg, þeirra ástir ég þáði

Þótti samt alltaf, það vær’ekki nóg

Viss’ekki hvað, ég vildi og þráði

Þekkt’ekki það, sem í brjósti mér bjó

 

Þá birtist Bjartmar, með brosið sitt breiða,

Býður mér sæti og réttir mér öl.

Lífinu með þér, lof mér að eyða,

Litríki Bjartmar, mig réttir á kjöl

 

Á jörðina niður, ég veit hann mig dregur

Jarðbundinn Bjartmar, svo tryggur og trúr.

Svo afdráttarlaus, og áreiðanlegur

Ábyrgur maður — og stundum smá klúr!

 

Bjargið mitt Bjartmar, breytir mér ekki

Hann bræðir mitt hjarta, með fortíðarþrá…

Bestur er Bjartmar, af þeim sem ég þekki

Blikið mitt bjarta, vil vera þér hjá.

 

Fæ kaffi í rúmið og kúr yfir skjánum,

knús ef mig vantar og hrós ef ég þarf.

Ef kemur hann við mig, ég kikna í hnjánum,

Kvíðinn sem áður mig fjötraði, hvarf

 

Brosmildi Bjartmar, svo smámunasamur

Sýnir mér mildi, og hlustar mig á. 

Akkerið Bjartmar, svo áhugasamur,

Elskar mig alltaf, 

Elskar mig alltaf, 

Elskar mig alltaf, 

Mín eilífðarþrá

Við erum hér

/Flokkur:

Finnst þér stundum eins og þú sért alveg einn?
Sem þú hrópir út í tómið, en það svari ekki neinn?
Ef þú hrasar, enga huggun er að fá
Hönd sem grípur, þegar mikið liggur á

Þá — líttu upp og leitaðu af þeim
Sem líður eins og þér, og þinn þekkja reynsluheim
Þú fundið getur fjölskyldu sem sér
Allt það frábæra sem býr í brjósti þér

Ó, Arnar, vensl þau eru val, og
eins og Bjartmar, við veljum þig

Jafnvel þó að heimur hafni þér
Örugga átt höfn í hjarta mér
Því þó að bregðist bræðrabönd
Við erum hér

Því hvorki erfðir (né) ættarnöfn
Afmarka þína heimahöfn
Vinur, halt’í mína hönd
Við erum hér x4

Við erum hér

[Millispil]

Ef þinn uppruni er ennþá opið sár
Lof mér þig að græða
Og þín þerra þögul tár
Þett’er meir’en vinátta
Veistu þetta er þín
Valfjölskylda

Oo-ó, við erum til staðar x3
Fyrir þig

Jafnvel þó að heimur hafni þér
Örugga átt höfn í hjarta mér
því þó að bregðist bræðrabönd
Við erum hér

Því hvorki erfðir né ættarnöfn
Afmarka þína heimahöfn
Vinur, halt’í mína hönd
Við erum hér X5

Þokunni léttir
Skuggarnir hörfa
Ég er hér, ég er hér
Í gegnum skýin brjótast
Geislar sem að ylja
Ég er hér, ég er hér

Þú ert ekki einn
Þú ert ekki einn
Þú ert ekki einn
Þú ert ekki einn
Þú ert ekki einn
Þú ert ekki einn
Ekki einn
Þú ert ekki einn

Jafnvel þó að heimur hafni þér
Örugga átt höfn í hjarta mér
Því þó að bregðist bræðrabönd
Við erum hér

Því þó að heimur hafni þér
Því hvorki erfðir (né) ættarnöfn
Afmarka þína heimahöfn
Við erum hér

Þér við hlið

/Flokkur:

From Now On, Benj Pasek og Justin Paul.

Ég hélt ég þyrfti lofnarblóm,

látúnsdrykkjarmál og ljós.

Því áherslan var innantóm,

Á brúðarboga, boðskort og hrós.

 

Er upp er staðið

Allt það prjál

Var óþarft, sé ég nú

Í brjósti mínu brennur bál

Veistu, bálið, það

Ert þú

 

Þér við hlið

Veit ég eitt, að nei er aldrei svar

Þér við hlið

Er ég miklu betri maður en ég var

Ég var

 

Og því játast ég þér nú

Þér ég heiti minni trú

Þér við hlið

Þér við hlið

 

Ég gjafalistann útfærði

Með gjöfum sem að henta mér

Og gestalistann uppfærði

En gerði varla ráð fyrir þér

 

Ég áfram óð

Og á þér tróð,

Með athyglina einungis á mér

Nú stend ég hér

Og horf’á þig

Og man loksins hvað mikilvægt er

 

Því þér við hlið

Nú loksins lýkur minni löngu bið

Þér við hlið

Er það sem skiptir máli; bara við

Já, bara við 

 

Og því játast ég þér nú

Þér ég heiti minni trú

Þér við hlið

Þér við hlið

Þér við hlið

 

Við fögnum ykkar ást!x7

 

Þér við hlið

Nú loksins lýkur minni löngu bið

Þér við hlið

Er það sem skiptir máli; bara við

Já, bara við

Baðrómans

/Flokkur:

Backstage Romance, e. Stefani Germanotta, Nadir Khayat, Ed Cobb, Jack White, Annie Lenox og fleiri.

 

Ra-ah, rah-ah-ah
Roma, ro-ma-ma
Gaga, úlalla!
Býð þér baðrómans

Í brjósti bærist
óbærileg þrá
Tilveran tærist öll,
ég tipla á tá…
Ég lofa þig,
Vooooó, lof, lof, lof
Ég lofa þig
Vooooó, lof, lof, lof

[B&T] Þú ert heitar’en vatnið…
[S&A] Og þú veist að ég vökna
[Tutti] Komdu í bað, í baðrómans

Voooo…
Dragðu mig að þér, dönsum darraðardans,
Drífum í að byrja baðrómans
Voooó…
Klósettið klofum, kamarsins kjöltudans
Komdu með í lítinn baðrómans

Vooooo…
Býð þér í baðrómans
Vooooo…
Býð þér í baðrómans

Fimm, SEX, sjö, átta!

Ra-ah, rah-ah-ah
Roma, ro-ma-ma
Gaga, úllala!
Býð þér baðrómans
Ra-ah, ah-ah-ah
Roma, ro-ma-ma
Gaga, úllala!
Býð þér baðrómans…

Það flæðir út úr, ég fleka þig fær
Finn hvernig fiðringurinn, fer niðr’í tær

Ég lofa þig,
Lof, lof, lof
Ég lofa þig,
Lof, lof, lof
Ég lofa þig,
Eitruð ást
Lof, lof, lof
Ég lofa þig,
Eitruð ást
Lof, lof, lof

[Main riff from „Seven Nation Army“ by The White Stripes starts]
Je!
Je!
Je!

[Violin from „Toxic“ by Britney Spears]
Flísar, freistingar
Með klósettbursta færðu flengingar
Salernisserðingar…

Tæli þig og þá tapast flíkurnar
Svo toxískt, titra í hnjánum
Áköf ærist við eiturgufurnar
Ofurseld er ég þér, tryllir mig, þessi toxík

Sumum finnst gott að stríða
Sum þrá að láta stríða sér
Öðrum finnst best að ríða
Og sum vilja láta ríða sér

Dragðu mig að þér, dönsum darraðardans,
Drífum í að byrja baðrómans
Klósettið klofum, kamarsins kjöltudans
Komdu með í lítinn baðrómans

Býð þér baðrómans
Oh, býð þér í baðrómans

Ra-ra ah-ah-ah
Roma roma-ma
Gaga oo-la-la
Býð þér baðrómans
Ra-ra ah-ah-ah
Roma roma-ma
Gaga oo-la-la
Býð þér baðrómans

 

Stekkjarstaur

/Flokkur:

Zero to Hero, e. Alan Menken

Stekkjarstaur,
stórkostlegur gaur,
Húfuskreyttra sveina
var hann helsti höfuðpaur.
Stirður þó,
Staurfætur í skó
Staulaðist af fjöllum, strákur,
gegnum ís og snjó.

Fyrstur til byggða
Fremstur, bestur
Sætur, ég sver’ða
Mikill, mestur.
Elstur af öllum, sveinum þeim,
sem heimsækja börn um allan heim,
Var fyrstur til byggða, og fyrstur heim!

Æskan var þó
Ekki stórgóð,
Úúú, og æææææ
Æj, er okkar gæi,
Allt í lagi?
Allt í læ?

Því að móðir hans var mesta skass
Sem þekkist heims um ból
Hún leikfélag’ans limlesti,
Og hraut svo mett
í hægindastól!

Vinalaus,
Félag’okkar fraus,
Í fjárhúsunum fann hann friðinn
sem að lokum kaus.
Mjólk úr ám,
Rann um vitin rám,
Sólginn svo í sauðamjólk
það sást á sakarskrám…

Gimburlamb kleip hann,
Sveittur, svangur
Gemlinginn greip hann,
leggjalangur
Meistarinn mættur
Í matarhlé,
Sig bugtað’og beygði
Með fót úr tré.
(sig) reigði og teygði,
En engin hné!

Hver setur „jó“ í jólasveinninn?
Stekkjarstaur
Hver niður strompinn laumast einn inn?
Stekkjarstaur

Er hann hýr?
-Til í bæði!
Er hann hlýr?
-Sem mjúkt handklæði!
Stekkjarstaur, Stekkjarstaur,
Stekkjarstaur, Stekkjarstaur,
Stekkjarstaur, Stekkjarstaur

Skellum skuld,
Á Ödipusarduld,
Æskutráma.
Mamm’ans stakk,
Hverjum krakkapjakk
Í frystigáma

Fyrstur til byggða
Fremstur, bestur
Sætur, ég sver’ða
Mikill, mestur.
Stirður og stífur
Stekkjarstaur
Fremstur í flokki
Soldill óþokki
En þvílíkur þokki,
Flottur gaur!

 

Mín leið (Söngur Leiðindaskjóðu)

/Flokkur:

 

My Days, e. Ingrid Michaelson

Enn á ný,
er sama svarið:
„Vertu heima, þú ferð ekki fet,“
Í fjötrum fjalla.
Fæ ekk’að fara með.
(fæ) ekk’að sýna þeim það
sem ég get.

Stundum er eins
og ég sé í djúpum dal,
Að ég sé föst.
Að ég hafi ekkert val.
Æ, má ég hald’af stað?
Næ ég að finna það
sem að er ætlað mér?
Sem ég get áorkað?
Sama hvert, sama hvað,
Þá er það mín leið

Ég er sterk,
Ég er staðföst.
Ég get meira en þau vilja sjá.
Því að það fær mig ekkert stöðvað.
Ég fæ styrk
innan frá.

Veit hvað ég vil.
Ég vil kveðja þennan dal.
Munu þau skilja’ða
að ég get, ég ætl’og skal?

Æ, má ég hald’af stað?
Næ ég að finna það
sem að er ætlað mér?
Held áfram óhikað,
Sama hvert, sama hvað,
Ég fór mína leið.

Þá leið,
Eina leiðin sem er fær er
leiðin mín
Tek enn eitt skref,
Sanna mig loks ef ég næ!

Næ ég á næsta stað.
Æ, auðvitað!
Hvað sem ég ætla mér,
Það get ég afrekað.
Því ég veit ég hef kjark,
Ég veit ég hef þor.
Ég keyri upp kraftinn,
og marka mín spor.
É’r stolt, ég er stöðug.
Því ég hef allt sem þarf.
Því hvað sem þau segja,
Er sama um það.
Af stað,
Vittu til,
Minn stað.
Loks ég skil.
Mín leið.